اخويا وخطيبى جننونى خلاص مش عارفة اتصرف معاهم .. اخويا هيطير منى الجوازة

اخويا وخطيبى جننونى خلاص مش عارفة اتصرف معاهم .. اخويا هيطير منى الجوازة

انا اسمى داليا ومخطوبة وبحب خطيبى اوى وكنا بنتقابل كتير قبل الخطوبة و ماما عارفة كده كويس .. دلوقتى بقا لما اتخطبنا النظام اختلف خالص .. اخويا قال لماما مفيش خروج لوحدهم الا وانا معاهم عشان هو اللى مسئول عنى بعد وفاة بابا .. بس ماما احيانا بتخلينى اروح معاه للدكتور من ورا اخويا
المشكلة ان خطيبى عاوز يخرج معايا لانه بيقولى انا مش عارف اقعد معاكى ولا نتكلم ولا بنقعد مع بعض
لان اخويا رافض كل ده .. فكرت انى اقولهم اننا رايحين للدكتور بس انا عارفة اننا كده بنكذب عليهم وكنا هنرجع فى معاد الدكتور عادى .. خطيبى رافض معاملة اخويا وقالى اخوكى مش هيمشينى على مزاجه ولو هو عاوز كده يبقى بلاش خالص
انا مش عارفة اتصرف ازاى وازاى اوفق بين اخويا وخطيبى

مشكلة اغلب الرجال .. رئيستى فى الشغل امرأة .. موافق ولا معترض ؟؟

سؤال ممكن يكون بيعمل مشكلة اثناء الرد عليه لكن لو عندك الجرأة ترد على السؤال ده قولنا هل ممكن ان تكون رئيستك فى شغلك امرأة ؟؟
فى شباب بترفض وفى شباب بتوافق وفى اراء تانية بتقول هو حد لاقى شغل اساسا
لكن ياريت تقولنا ايه هو السبب الحقيقى اللى يخليك ترفض ان تكون رئيستك فى الشغل امرأة ؟؟
هل لان مجتمعنا يعتبر مجتمع ذكورى ؟؟
هل بيرجع السبب لاصول نفسية داخل كل شاب ؟؟
السؤال ده للبنات : هل انتى حاسة ان البنت مش واخده حقها فى مجال الشغل وادارة الاعمال ؟
 

مش هتصدق عيد ميلاد الامريكية كيم سيتكلف مليون دولار

صدق او لا تصدق .. عيد ميلاد كيم كارداشيان المقبل فى 21 اكتوبر سوف يتكلف  مليون دولار وسوف يقوم مغنى الراب كانييه وهو  يعتبر حبيبها بتكاليف عيد الميلاد وهو يعتبر اول عيد ملايد لكيم بعد ان خرجا معا  وتعرفا ببعض اذ تبلغ كيم  32 عاما .. تفاصيل عيد الميلاد : سوف ينظم كانييه عيد الميلاد فى رحلة خاصه مع الاصدقاء لجزر تركس وكابكوس وايضا سيكون هناك طباخ خاص بالرحلة ويسشترى لها كانييه ملابس جديدة ترتديها بالحفلة
يذكر ان كيم  كانت متزوجة وكانت قصة زواج فاشلة ولم تثمر باطفال

خطيبى كل يوم يطلب منى طلب غريب اوى محيرنى معاه .. اتصرف ازاى

انا اسمى رنا عندى 23 سنة ومخطوبة لمحاسب عنده 30 سنة وهو بيحبنى اووى.. اتعرفنا على بعض عن طريق النت وجه البيت واهلى وافقو عليه واتخطبنا   اتعودنا اوى على بعض كل يوم بنتكلم اكتر من ساعتين على الفون.. فى يوم طلب منى افتح الكاميرا عشان وحشته اوى .. مش عارفة ليه وقتها حسيت انه عاوز يتسلى بيا وانه خاطبنى كده تسلية شوية وهيسيبنى بس بردوه مش عارفة اتأكد من نيته ناحيتى واللى خلانى اشك فيه  انه شافنى على الحقيقة يعنى هو مش محتاج انه يشوفنى تانى كاميرا تحت اسم الحب
فكرت فى فكرة انى افاتحه فى تحديد معاد الجواز والدخله لقيته بيتهرب فى الكلام بحجة انه لسة مبقاش جاهز ماديا
فمش عارفة بقا هو ناوى على ايه وهو كل يوم يطلب منى افتحله الكاميرا بس انا مش موافقة
قولولى اعمل ايه